Што будзе з банкамі, калі эканоміка сур'ёзна прасядзе? Вось што кажа рэгулятар

11 лiпеня 2024 у 1720686420
«Зеркало»

Нацбанк ацаніў уразлівасці фінансавай стабільнасці ў Беларусі і лічыць, што банкі ўстойлівыя да патэнцыйных рызык. Пра гэта гаворыцца ў гадавой справаздачы рэгулятара.

Ілюстрацыйны здымак. Фота: TUT.BY

Банкаўскі сектар у Беларусі мае пэўны запас трываласці, буйныя банкі змогуць падтрымаць эканоміку нават пры ўмове рэалізацыі негатыўнага сцэнара, паказала макраэканамічнае сцэнарнае стрэс-тэставанне ўстойлівасці банкаўскага сектара, якое праводзілася ў 2023 і 2024 гадах.

Эксперты Нацбанка акрэслілі тры імаверныя сцэнары. Пры базавым меркавалася захаванне макраэканамічных тэндэнцый у свеце і ў Беларусі. У гэтым выпадку чакаўся рост эканомікі сёлета на 3,1%, інфляцыя на ўзроўні 6% і аслабленне рубля да даляра на 10,7%. Другі - сцэнар умеранага шоку - прадугледжваў падзенне эканомікі на 3%, зніжэнне курсу рубля да даляра на 15% і інфляцыю 8,5%. А трэці - сцэнар моцнага шоку - зніжэнне ВУП на 9%, курсу рубля да даляра на 30%, а інфляцыю - 10,5%.

Скрыншот з сайта nbrb.by

Эксперты прыйшлі да высновы, што пры любым з іх у банкаў будзе ўсё добра з капіталам, але ў сцэнары моцнага шоку некаторым з іх можа спатрэбіцца падтрымка.

У цэлым банкі здольныя супрацьстаяць магчымым шокам. У выпадку рэалізацыі негатыўных сцэнараў самымі ўразлівымі банкі будуць да шокаў крэдытнай рызыкі (то-бок нявыплат па крэдытах).

Чытайце таксама